DONGA PAMBUKA
Ingsun amiwiti anyebut asmane GustiAllah.
Dhuh Gusti Ingkang Maha Agung, sedaya puji syukur kita aturaken kagem Ngarsa Panjenengan, awit saking sedaya panguwaos Panjenengan ingkang tanpa winates. Namung dhumateng Panjenengan kula manembah lan dhumateng Panjenengan ugi kula nyuwun pitulungan.
Dhuh Gusti Ingkang Maha Asih, dinten menika kita sedaya putra lan putri SMASA Blitar badhe miwiti pasinaon. Keparenga Panjenengan paring kekiyatan, kesabaran lan kasarasan dhumateng para dwija lan kula sedaya supados gangsar anggen kula ngangsu kawruh ing pasinaon dinten menika.
Dhuh Gusti, mugia kersa ngijabahi sedaya panyuwun kula.
Amin.
